Narmada Parikrama

આ પુસ્તક નર્મદા પરિક્રમાની માત્ર ભૌગોલિક સફરનું વર્ણન નથી. ૯૩ દિવસની પદયાત્રા દરમિયાન મળેલા લોકો, જોયેલાં સ્થળો, અનુભવેલી પરિસ્થિતિઓ અને મનમાં ઊઠેલા પ્રશ્નોનું આ અંગત આલેખન છે. નર્મદાના કિનારે આગળ વધતી યાત્રા સાથે પોતાની અંદર પણ કંઈક ઉઘડતું જાય — એ અનુભવોને શબ્દોમાં વ્યક્ત કરવાનો આ એક પ્રયાસ છે.

નર્મદા પરિક્રમા કે ભારતીય યાત્રાપરંપરામાં રસ ધરાવતા વાચકો માટે તો આ પુસ્તક છે જ; પરંતુ જીવન, માનવીય સંબંધો, શ્રદ્ધા, સમર્પણ અને પોતાની જાતને સમજવા વિશે વિચારવાનું ગમતું હોય તેમના માટે પણ છે. પરિક્રમા કરવાનો વિચાર ન હોય, તોપણ જીવનની એક સફર તરીકે આ પુસ્તક સાથે જોડાઈ શકાય છે.

ના, આ પરિક્રમા માટેની વ્યવહારુ માર્ગદર્શિકા કરતાં યાત્રાના અનુભવોનું અંગત વર્ણન વધારે છે. તેમાં સ્થળો અને પરિસ્થિતિઓની વાત આવે છે, પરંતુ મુખ્ય ધ્યાન યાત્રા દરમિયાન થયેલા અનુભવો, મનમાં ઊઠેલા પ્રશ્નો અને જીવન તરફ જોવાની દૃષ્ટિ પર છે. પરિક્રમા વિશે માહિતી મેળવવા કરતાં યાત્રાનો અનુભવ સમજવા ઇચ્છતા વાચકોને તે વિશેષ ગમશે.

આ પુસ્તક કોઈ ચોક્કસ માન્યતા સ્વીકારવા કે કોઈ વિચારધારા અનુસરવાનો આગ્રહ રાખતું નથી. યાત્રા દરમિયાન જે અનુભવો થયા, જે પ્રશ્નો ઊભા થયા અને જે સમજણ ધીમે ધીમે વિકસી, તેને પ્રામાણિક રીતે રજૂ કરવાનો પ્રયાસ છે. વાચક પોતાની સમજ અને અનુભવો સાથે આ લખાણને જોડે — એ જ આ પુસ્તકનો આશય છે.

બિલકુલ નહીં. નર્મદા પરિક્રમા વિશે વિશેષ જાણકારી ન હોય કે તમે ક્યારેય આવી યાત્રા કરી ન હોય, તોપણ પુસ્તક વાંચી શકો છો. યાત્રાનાં સ્થળો અને અનુભવો સાથે આગળ વધતાં, આ સફરનાં બાહ્ય અને આંતરિક બંને પાસાંને સમજવાની તક મળે છે.

નર્મદા પરિક્રમા દરમિયાન હું મારી યાત્રાના અનુભવો YouTube પર વીડિયો દ્વારા વહેંચતો હતો. ઘણા લોકો નિયમિત રીતે આ વીડિયો જોતા અને યાત્રા સાથે જોડાયેલા રહેતા. મારી યાત્રા વિશે જાણતા કેટલાક નજીકના મિત્રોએ મને આ અનુભવોને પુસ્તકરૂપે સાચવવા માટે પ્રેર્યો — એમ કહું તો થોડો આગ્રહ પણ કર્યો!

મારા મનમાં પણ એક વિચાર હતો કે યાત્રા દરમિયાન જે જોયું, અનુભવ્યું અને વિચાર્યું, એ બધું કાયમી સ્વરૂપે સચવાઈ જાય તો સારું. માત્ર મારી પોતાની યાદો તરીકે નહીં, પરંતુ ભવિષ્યમાં નર્મદા પરિક્રમા કરવા ઇચ્છતા કોઈપણ વ્યક્તિ માટે પણ એ ઉપયોગી સંદર્ભ બની શકે.

આમ, મિત્રોનો આગ્રહ અને મનમાં રહેલી પોતાની ઇચ્છા — બંનેના સંગમથી આ પુસ્તક લખવાની શરૂઆત થઈ.

નર્મદા પરિક્રમા — અંતરના ઉઘાડ તરફ પુસ્તકની ઉપલબ્ધતા અને ખરીદી માટે આ પેજ પર આપેલી ખરીદીની લિંકનો ઉપયોગ કરી શકો છો. પુસ્તકની કિંમત, આવૃત્તિ અને ઉપલબ્ધતા અંગેની નવીનતમ માહિતી પણ ત્યાં મળશે.